خبز الشباتي التونسي (بايادي تونسية)

الحمد لله وحده .. والصلاة والسلام على من لا نبي بعده ..
سيدنا محمد صلى الله عليه وسلم ..
سيد الأولين والآخرين ..
وعلى آله وصحبه أجمعين .. إلـى يوم الدين ...

خبز الشباتي التونسي (بايادي تونسية)

الطريقة سهلة جدا
المقادير
نصف كيلوسميد او سيمولينا
نصف كيلو دقيق
كيس خميرة فورية
نص معلقة سكر
2 معلقة صغيرة ملح
ماء دافىء للعجن
معلقة صغيرةحبة بركة(اختياري)
نبدا على بركة الله
نحط الخميرة الفورية مع السكر


نضيف عليها مياه دافئة و نسيبها تختمر

في طشت بلاستيك نخلط المكونات الجافة سميد مع دقيق مع ملح مع حبة بركة

و نقلبهم سوا

نضيف الخميرة و ماء دافيء لغاية ما العجينة تتلم
و لو ما اتلمتش نجيب اللي يلمها

نعجنها في العجانة او بالايد مع اضافة الماء الدافىء عند الحاجة

كده بقت جاهزة

ندهنها زيت و نحطها في حاجة بلاستيك و نغلفها و نغطيها

نسبها ساعتين او اكتر لغاية ما تختمر كويس

كده اختمرت و بقت جاهزة وشوف حجمها زاد قد ايه ما شاء الله
على رخامة المطبخ ندهنها زيت و نعمل كور و نبل ادينابالزيت ونبتدي نشكلها

مستطلة او مدورة بس لازم تكون تخينة شوية
و نسخن الطاجين او الشواية اللي تتحط عالغاز لازم تسخن كويس جدا
نحطها على الطاجين

و اول ما تمسك نفسها شوية نقلبها

نكرر العملية مع باقي العجينة
و ده الشباتي اللي عملتو

طعمو لذيذ جدا و رائع و هش جدا متتخيلوش قد ايه





منقول
سلو وجد تفضلوه بالصحة و الراحة
نتمنى من الله انو يعجبكم و اللهم بلغنا رمضان و في امان الله