طريقة عمل اسباجيتي على الطريقة السورية مع الجبنة

---

طريقة عمل اسباجيتي على الطريقة السورية مع الجبنة جاييبتلكن أكلة كتيير سهلة و بسيطة و غير مكلفة, و بنفس الوقت طعمتها كتير روعة و شهية , و بصراحة ما بيينشبع منها , و فيكي حتى تقدميها لضيوفك  أكلتنا هيي : صينية السباجيتي مع الجبنة و البقدونس بالفرن أول شي بحب قول : لا تستهينوا بالصينية لإنها بسيطة و ما فيها لحوم أو خضراوات , و الله كير طعمتها طيبة و لذيذة , على مسؤؤليتي  و هلأ يا صبايا يا حلوين راح نجي عالطريقة  أنا استعملت ربطة معكرونة سباجيتي كاملة طبعآ متل العادة اسلقيها عالنار مع مي و ملح و شوية زيت لتستوي وبعدين حطيها بمصفاية و افتحي عليها المي الباردة شوي  بعدين : حطي المعكرونة بصينية حجمها مناسب  و حطي معها : ملح و كمون و رشه بهار ( من يلي عندك ) و عصفر و 3 بيضات ( طبعآ كمية البيض , متناسبة مع كمية المعكرونة المستخدمة ) , البيضة التالتة بالصورة موجودة أسفل الملعقة عاليسار و لكن الصفار مفقوس , فمو مبين منيح  و هلأ في ملاحظة مهمة لازم نحكيها : إنه نحن لازم نطري المعكرونة لحتى ما تطلع ناشفة , و هون في عندك عدة خيارات راح نحكي عليها  1) زيت مازولا مع شوية سمنة عربية ( بلدية ) , السمنة البلدية بتعطي نكهة كتييير حلوة للصينية . ( متل الصورة )  2) ممكن فقط زيت مازولا , و بهالحالة زيدي شوي عن الكمية يلي بالصورة لتعوض عن السمنة  3) إذا عندك قشطة بلدية يلي منشيلها عن وجه الحليب اللي عم يغلي , حطيها مع شوية صغار سمنة بلدية أو بدون السمنة , و على فكرة هالقشطة , بتعطي نكهة , بتجنن للصينية  4) ممكن تحطي علبة قشطة جاهزة , و تطري الصينية بشوية حليب .  هلأ : راح نخلط المعكرونة مع هالمقادير كتير منيح  و بعدين راح نحضر الجبنة مع البقدونس بكمية مناسبة للصينية , بدنا بقدونس مغسول و مفروم خشن , و جبنة ممكن قشقوان أو موزاريلا , أو أي نوع طيب عندك و إنت بالعادة بتحطيه بالبيتزا أو صواني الفرن  أنا هون استعملت الجبنة ( المشللة ) و هالنوع من الجبنة بيصنعوه عنا بسورية , و بصراحة أطيب منه جبنة ما في , بس بحب نوه , إنه مو كل الجبنة المشللة طيبة , بس الأصلية و المصنوعة على أصولها , ( في منها بالخليج بالأسواق , بس ما بعرف إذا نوعيتها من الأصلية الطيبة أو لأ , و ما بعرف إذا في منها بمصر أو لأ ) ,  هالجبنة بتجي من المحل مالحة جدآ ( لتعيش مدة طويلة بالبراد ) و بتكون قاسية , منفكها متل مو شاييفين بالصورة ( استخدمت خمس كباكيب جبنة ) و بعدين راح ننقعها بمية الحنفية شي ( 7 – 8 ) دقايق لتطرى , ما منغليها بمي سخنة , لإنها بالأصل مغلية و معقمة , يعني مننقعها بالمي لعادية بس لحتى تصير طرية , إذا نقعناها زيادة بتسيخ على بعضها , و بعد النقع , منغير ميتها شي ( 3 – 4 ) مرات ليخف ملحها و يصير مناسب  هلأ , قطعنا الجبنة بالسكين  راح حط كمية من الجبنة و البقدونس فوق الصينية و أخلطهن مع المعكرونة ليمتزجوا منيح  حطيت العصفر بهالمرحلة لإني نسيت حطه بالأول و الكمية المتبقية كمان بخلطهن مع بعض و بمدهن على وجه الصينية  و بعدين عالفرن , و بس تستوي , راح نشعل الفرن من فوق ليتقمر الوجه  و هي الصينية و هيي طالعة من الفرن  كان لازم الوجه ييتقمر أكتر من هيك ( بس كانت الدنيا رمضان و المغرب أذن و خلص )  استني شي ربع ساعة قبل التقطيع , و قطعيها , راح تلاقي كل قطعة طالعة شقفة وحدة ( متل الكيك ) , منظرها حلو , و طعمها طيب كتتتتر ( على مسؤؤليتي ) , و إذا عندك اولاد , راح يحبوها كتير و تعجبهن بإذن الله  و بتمنى يكون موضوعي عجبكن

.

شكرا لك على التتبع المستمر لكل ما هو جديد

_+880_______ا___________________ا___
_++88________ا________________ا_____
_++88_________ا_____________ا______
__+880__________ر_________ر_____+8_
__+888____________ك______ك_____+88_
__++880______________ش________+88__
__++888_____+++88___________++88__
__++8888__+++8880++88____+++88__
__+++8888+++8880++8888__++888___
___++888++8888+++888888++888____
___++88++8888++8888888++888_____
___++++++888888888888888888______
____++++++88888888888888888______
____++++++++000888888888888______
_____+++++++000088888888888______
______+++++++00088888888888______
_______+++++++088888888888_______
_______+++++++088888888888_______
________+++++++8888888888________
________++++++0088888888_________
________+++++000888888__________