تورتــة مـوس الشوكولاتة بدون جيلاتين من مطبخ الاخت أم عبدو

بسم الله نبدأ مقادير كيك الشوكولاتة الهش

كوب ونص دقيق منخول مع نص كوب كاكاو
ومعلقتين كبار بكينج بودر و3 ملاعق كبيرة نشا
4 بيضات كبيرة - 1 كوب سكر - 3/4 كوب زيت
نص كوب حليب - فانيلا - ربع ملعقة صغيرة ملح

وتنفع بنفس الطريقة بدل المضرب نعملها بالخلاااط بتاع العصير

اول شيء نسمي الله ونصلي على رسول الله عليه الصلاة والسلام
وننخل الدقيق والكاكاو والنشا والبكينج بودر وبعد النخل نقلب المكونات
بمضرب يدوي في اتجااه واااحد ده بيخلي الدقيق خفيف اووي
وبيدخله هواااا كتيييير جدااا وبيبقى هش لما يتخبز بفضل الله
نسمي الله ونذكره ونحط في بولة البيض والملح والفانيلا

ونخفق بالمضرب في اتجاااه وااحد عشان يتقلب كله مع بعضه ويعمل رغاااوي

ننزل بكوباية السكر على 3 مرااااات نقسمهم

ودي اول مرة نحط فيها السكر عالبيض

ونخفق بالمضرب دقيقتين بسسسس

ونحط تاني دفعة من السكر على بركة الله ونخفق دقيقتين برده

وتالت مرة برده نحط اخر كمية من السكر ونخفق ونلاحظ ماشاء الله

ان البيض انتفخ ونفشش لان السكر بيتحط
على دفعااات ونخفق وعشان بنخفق في اتجاه وااحد

نحط الــ 3/4 كوباية زيت كلها عالبيض ونخفق 4 ثواني بس نعدهم في سرنا
وده السر بفضل الله اللي مش هيخلي البيض يهبط بعد مانحط الزيت او اي مادة دهنية

ونبدأ ننحط الدقيق مع الكاكاو على 3 مرااحل بالتبااادل مع الحليب

ودي اول مرة نحط دقيق وشوية حليب

والسر في نفشان الكيك بعد فضل الله اننا مش نخفق كتيييير لما نضيف الدقيق

يعني يااادوب يتقلب بسسس

ونخفق بالمضرب 3 لفات بسس يعني نعد 3 ثواني ونطفي المضرب

وحتى لو الدقيق لسسة مااتقلبش من اول مرة

نطفي المضرب لانه لسة هيتقلب ان شاء الله

ونحط تااااني دفعة من الدقيق مع شوية حليب

ونخفق بالمضرب برده 3 ثوااني يتقلبوا بسس

والخليط تلون بلون الشوكولاتة اللذيييييذ

الحمد لله خلصت الكيكة المشكلتة

ودلوقتي نحط اخر دفعة من الدقيق مع اخر كمية من الحليب
ونخفق آخر مرة عشان يتقلب يعني نص دقيقة كده بسسس
ونحاول نجيب كل اللي عالجوانب من الدقيق اللي لسة مااتخفقش
ننزله بمعلقة ونخفق بالمضرب وكده الكيك كله اتخفق بفضل الله

وماعادش فيه اي ذرة دقيق وكل بقى مليااان شوكولاتة

ونصب خليط الكيك في صينية مقااااس 26 مدهونة بالزيت او الزبدة

وندخلها فرن ساخن على حرارة 160 لــــ 170 درجة
وندخلها على الرف الاوسط ونقفل باب الفرن برفق ومش نفتح عليها

قبل 25 الى 30 دقيقة ان شاء الله

حشوة موس الشوكولاتة

وكريمة الشوكولاتة
موس الشوكولاتة بدون جيلاتين
المقادير

كوب شوكولاتة مفرومة - 2 صفارة بيض - 4 ملاعق كبيرة زبدة
ربع كوب مية - تلت كوب سكر يعني 5 ملاعق كبيرة سكر
معلقة كبيرة نشا - رشة ملح - فانيلا
3 مغلفات دريم ويب

يعني 15 معلقة كبيرة كريم شانتيه ساااايب
مخفوقة مع كوب ونص مية متلجة او حليب
و 3 ملاعق كبيرة سكر بودرة للتحلية او حسب ذوقك

الطريقة

نكسر 6 مكعبااات يعني كوب شوكولاتة

في كسرولة نحط الشوكولاتة والصفار والزبدة والسكر والنشا والمية

وعالناااار نقلبهم بمضرب سلك

ولما يغلوا بيكون شكلهم لذييييذ وتحول لبحر شوكولاتة

نطفي عليهم لما تغلي وتعمل فقاقيع
دلوقتي موس الشوكولاتة خلص والله بفضل الله

باقي بسس نخفق الكريم شانتيه ونقلب عليه الشوكولاتة اللي بردت فووق وبسسس
في بولة نفرغ 3 اكيااس دريم ويب يعني 15 معلقة كبيرة كريم شانتيه
ونحط عليهم كوب وتلات ارباع مية متلجة او حليب ونخفق كويس اوووي

لمدة 5 دقايق ان شاء الله
وآخر لمسة ننزل عليها بالشوكولاتة البااااردة ونخفق
نرجع لكيكتنا الجميييييلة اللي بردت وارتااحت ونقسمها 3 اقساام على خيرة الله
ونحط اول طبقة من الموووس على كيكتنا
وتااااني طبقة ونحط موووس شوكولاتة

ونغطيها بالكيك اخر شيء

وباقي بس نغطي اميرتنا بكريمة الشوكولاتة باسهل طريقة
نص كوب زيت - نص كوب حليب - كوب سكر او 1 و 1/4 كوب سكر
حسب ذوووقك وحبك للطعم الحلو
و4 ملاعق كبيييرة كاكاو -نص كوب مية - معلقتين كبيرة نشا
رشة ملح وفانيلا
معلقتين شوكولاتة اختياااري او نسكاافيه برده اختياااري
في الخلااااط بتااع العصصير نحط الكاكاو والزيت والحليب والسكر

ونخفقهم دقيقتين هيبقوا كريمة راااائعة زي الصورة كده
ننزلهم في كسرولة صغننة ونحط عليهم نص كوباية مية ومعلقتين كبااار نشا

المهم نقلب المكوناات كلها عالنااار

ولما تتقل وتغلي نطفي عليها
نغطي بقى اميرتنا الجمييييلة اللي صابرة علينا من الصبح

عشان تتغطي بكريمة الشوكولاتة
وطبعا كريمة الشوكولاتة بتتفرد بالمعلقة عالكيكة
وبسم الله نبدأ بصور التقديم هدا هو شكلها النهائي

ويبقى التزيين على كل واحدة الاختيار انا زينتها كما في الصور

تورتــة مـوس الشوكولاتة بدون جيلاتين من مطبخ الاخت أم عبدو R51Mr

تورتــة مـوس الشوكولاتة بدون جيلاتين من مطبخ الاخت أم عبدو OUtes

___######### #######__ _______** ###______
__########## ########_ ____*#### ######___
__########## ########_ __*###### #######__
___######### ########* _######## #######*_
____######## ######### ######### #######*_
______###### ######### ######### ########__
_______##### ## شكـرا على هذا الموضوع ######__
_______ ##### ## #####___
________ ### ######## وبارك الله فيك# #########____
__________## ######### ######### ####_____
___________########## ######## ###______
____________ ######### ######### #________
____________ _######## ########_ _________
____________ __####### #######__ _________
____________ ___###### #####____ _________
____________ ____##### ###*_____ _________
____________ _____#### ##_______ _________
____________ ______### #________ _________
____________ ______### _________ _________
____________ ______ #___________ _________