كلاص اقتصادي

حبيباتي في الله جبت ليكم كلاص زوين وتيطلع رخيص وتيحط بكترة وبما انه الصيف على الابواب بغيت نوريكم طريقتي فتحضيرو

بسم الله

المقادير

علبة creme glace ماشي creme chantilly ردو معاى البال الله يحفظكم ههههه
نصف لتر حليب نزولوا منو كأس صغير ساشي فاني
نعمل غبرة creme glace مع الحليب ونحطهم فالة العجانة ونخدمهم تقريبا ربع ساعة اواكتر حت يبان ليك الخليط عقاد وخرج كمية بكترة
شوفوا تبارك الله شحال تيحط ولكن خصكم تخدموه مزيان

نزيد نصف علبة حك نيستلي محلى باش ميجيناش حلو بزززاف ونخدمهم عاود تاني

نقسم الخليط على 3

نسم بأي حاجة عندك في الدار

الخليط الاول
انا طحنت كمية قليلة من لفريز بوحدو وزدت فالخليط الاول

الخليط الثاني

خديت
اللوز حمرتوا فالمقلقة وخديت الشكلاط دوبتو فحمام مريم سرحتوا فوق ورق
غدائي ملي حسيت بيه نشف هرستوا او بالاحره غي هرمشتوا بالمدلك

خلطتوا مع الخليط لي احتفظت به وزدت معه حبيبات الشكلاط و2 معالق صغار غبرة كاكاو باش يعطيني لون الشكلاط

الخليط التالث خليتوا عادي

وهاهو ملي وجد

عملت طبقات من كل لون وزوقتوا بلكريم شانتي

وهذا عملت des boules من كل نوع

نتمنى أن يعجبكم

فى امان الله